नारायणीमा अवैध माछा मार्ने २४ जना पक्राउ

638SHARES

१० जेठ, चितवन ।

चितवन राष्ट्रिय निकुञ्जले अवैध रूपमा माछा मार्ने २४ जनालाई पक्राउ गरेको छ । नारायणी नदीमा प्रतिबन्धित तियारी जालको प्रयोग गर्दै माछा मारिरहेको समयमा उनीहरूलाई पक्राउ गरिएको हो ।

निकुञ्जका सूचना अधिकारी लोकेन्द्र अधिकारीका अनुसार सोमवार (आज) बिहान ३ः०० बजेको समयमा भरतपुर महानगरपालिका २६ भगेडीमा रहेको नारायणी किनारबाट उनीहरूलाई पक्राउ गरिएको हो ।

उनीहरूका साथबाट एउटा जीप, दुई वटा स्कुटर, दुई क्विन्टल माछा र ४४ थान तियारी जाल बरामद गरिएको छ ।

पक्राउ परेकाहरूलाई राष्ट्रिय निकुञ्ज तथा वन्यजन्तु संरक्षण ऐन २०२९ अनुसार मुद्दा लगाइ कानुनी कारबाही गरिने निकुञ्जले जनाएको छ ।

छुटाउनुभयो कि?

सम्पूर्ण