नेतृत्व तह असफल हुदाँ काग्रेस कमजोरः शशांक कोइराला

0SHARES

१९ आश्विन २०७५ नेपाल टाईम्स

विराटनगर,असोज १९
नेपाली कांग्रेसका महामन्त्री डा.शशांक कोइरालाले नेतृत्व तह असफल भएका कारण पार्टी कमजोर बनेको बताएका छन् । नेपाल निजामती कर्मचारी युनियन(संघ) प्रदेश नं.१ स्तरीय सम्मेलन तथा प्रशिक्षण कार्यक्रमको शुक्रबार बिराटनगरमा उद्घाटन गदै कोइरालाले पार्टीलाई बलियो बनाउन नेतृत्व परिर्वतन आवश्यक रहेको बताए ।

उनले सभापति शेरबहादुर देउवालाई आगामी अधिवेशनबाट पार्टीको नेतृत्व परिर्वतन गर्न आग्रह गरेपनि सभापति देउवा नेतृत्व परिवर्तनको पक्षमा नरहेको पनि उनले जानकारी दिए ।

महामन्त्री कोइरालाले पार्टीलाई बलियो बनाउन सक्षम नेतृत्व आवश्यक पर्नेमा जोड दिए । गएको चुनावमा पनि पार्टी नेतृत्वमा गुटगत राजनिति हावी हुदा पार्टीले पराजय व्यहोरेको महामन्त्री कोइलाको भनाई थियो ।

उनले बर्तमान सरकारले राष्ट्रसेवक कर्मचारीको अधिकार कटौती गर्न खोजेको भन्दै त्यसको बिरुद्धमा कांग्रेस पार्टी उभिने जानकारी दिए ।दुई दिने सो प्रशिक्षण कार्यक्रममा प्रदेश नं.१ अन्तर्गत १४ जिल्लाका करिव १ सय ५० संघसंग आवद्ध कर्मचारीहरुको सहभागिता छ ।

विज्ञापन बक्स