न्युक्यासलसँग घरेलु मैदानमै लेस्टर स्तब्ध

364SHARES

२५ बैशाख, काठमाडौँ । इंग्लिस प्रिमियर लिगमा लेस्टर सिटी पराजित भएको छ । गएराति घरेलु मैदानमा भएको खेलमा लेस्टर न्यु क्यासलसँग ४–२ ले स्तब्ध बनेको हो ।

खेलको २४औं मिनेटमा जोसेप विललकको गोलबाट न्युक्यासलले सुरुवाती अग्रता लिएको थियो । ३४औं मिनेटमा पउल डुम्मेटले गोल गर्दै न्युक्यासलको अग्रता दोब्बर पारे ।

६४औं मिनेटमा कलुम विल्सनले गोल गर्दै न्युक्यासललाई ३–० को अग्रता दिलाए । ७३औं मिनेटमा विल्सनले व्यक्तिगत दोस्रो गोल गर्दै न्युक्यासललाई फराकिलो जितततर्फ अघि बढाए ।

त्यसपछि ८०औं मिनेटमा मार्क अल्ब्राइटनले गोल गर्दै लेस्टरलाई खेलमा फर्काउने कोसिस गरे । ८७औं मिनेटम केलिची इहानाचोले गोल गर्दै खेललाई ४–२ को अवस्थामा ल्याएपनि थप गोल हुन नसक्दा न्युक्यासल विजयी बन्यो ।

हारसँगै लेस्टरले अन्तिम चारको यात्रालाई थप मजबुत बनाउनबाट चुकेको छ । ३५ खेलबाट ६३ अंकसहित तेस्रो स्थानमा छ । न्युक्यासल भने ३९ अंकसहित १३औं स्थानमा उक्लिएको छ ।

छुटाउनुभयो कि?

सम्पूर्ण