न्यूरो हेल्थ कलेजको तीन दिने स्पोर्टस मिट सम्पन्न

२९ माघ २०७६

२९ माघ, विराटनगर ।
विराटनगरस्थित न्यूरो हस्पिटलद्वारा संचालित न्यूरो हेल्थ कलेजमा बुधबार, भलिबल , कब्बडी , एथेलेटिक्स लगायतका खेल सम्पन्न भएसँगै तिन दिने स्पोर्टस मिट सम्पन्न भएको छ ।

३ दिने स्पोर्टस मिट अन्तर्गत विभिन्न प्रतियोगितामा उत्कृष्ट हुने विद्यार्थीलाई समापनका अवसरमा पुरस्कृत गरिएको छ । स्पोर्टस मिटमा विद्यार्थीहरुविच विभिन्न खेलकुदका विद्यामा प्रतिस्पर्धा गराई सम्पन्न भएको हो ।

स्पोर्टस मिटमा न्यूरो हेल्थ कलेजमा अध्ययनरत विद्यार्थीहरुले मिहिला—पुरुष दुबै तर्फ एथलेटिक्स , कब्बडी , भलिबल ,ब्याटमिण्टन , चेस , क्यारमबोर्ड , हाजिरी जवाफ प्रतियोगिता साथै , निबन्ध प्रतियोगिता विद्यामा प्रतिस्पर्धा गराइएको थियो । विजयी विद्यार्थीहरुलाई न्यूरो कलेजका प्रमुख टिका निरौलाले प्रमाण पत्र र पुरुस्कार सहित पुरुस्कृत गरेका थिए ।

समापनि समारोहमा न्यूरो हेल्थ कलेजका अपरेशनल डाइरेक्टर राजेश भट्टराईले पठनपाठनका साथै अतिरिक्त क्रियाकलाप सहित शारीरिक विकासका लागि खेलकुद आवश्यक रहेको बताए । उनले बिद्यार्थीहरुमा खेलकुदले मानसिक एवम शारिरिक विकास हुने गरेको बताए ।

विज्ञापन बक्स