पाइलटका कारण ११ अर्ब घाटा

२३ भाद्र २०७६

२३ भदौ, एजेन्सी ।

संयुक्त अधिराज्यको राष्ट्रिय ध्वजावाहक विमान कम्पनी ब्रिटिश एयरवेजले पाइलटहरुको हड्तालका कारण आफ्ना १ हजार ५ सयभन्दा बढी उडान रद्द गरिदिएको छ ।

अन्तर्राष्ट्रिय सञ्चारमाध्यमका अनुसार तलब विवादका कारण पाइलटहरुले सोमबार र मंगलबारका लागि हड्ताल आह्वान गरेका छन् । ब्रिटिश एयरवेजको १०० वर्षे इतिहासमा पाइलटहरुले आह्वान गरेको यो सबैभन्दा ठूलो हड्ताल मानिएको छ ।

यो हड्तालबाट २ लाख ८० हजार मानिस प्रभावित हुने देखिएको छ । पाइलटहरुको हड्तालका कारण ८ करोड पाउण्ड (११ अर्ब नेपाली) रुपैयाँ बराबर घाटा हुने छ ।

तलब तथा भत्ताको विवादलाई लिएर ब्रिटिस एयरलाइन्स एसोसिएसन (बीएएलपीए)ले २३ अगस्टका लागि हड्ताल घोषणा गरेको थियो । बीएएलपीएले जारी गरेको विज्ञप्तिमा ९ र १० अगस्टमा पाइलटहरुले हड्तालले गर्ने भनिएको थियो ।

Facebook Comments

विज्ञापन बक्स