पुटिन र बाइडनबीच पहिलो पटक स्विट्जरल्यान्डमा भेटवार्ता

975SHARES

३ असार, एजेन्सी ।

रुसी र अमेरिकी राष्ट्रपतिबीच पहिलो पटक भेटवार्ता भइरहेको छ ।

चिरपरिचित प्रतिद्वन्द्वी रुसी राष्ट्रपति भ्लादिमिर पुटिन र अमेरिकी राष्ट्रपति जो बाइडनबीच स्विट्जरल्यान्डको जेनेभामा पहिलो पटक भेटवार्ता भएको हो । दुबैलाई स्विट्जरल्यान्डका राष्ट्रपति गाई पार्मेलिनले जेनेभामा स्वागत गरेका थिए ।

भेटवार्तालाई अन्तर्राष्ट्रिय समुदायले निकै चासोका साथ हेरिहेको छ । रूसी साइबर आक्रमणदेखि युक्रेनमा रूसको भूमिकासम्म धेरै मुद्दाहरूमा दुई देशबीच तनाव बढेका बेला भएको यो भेटवार्तालाई महत्वका साथ हेरिएको अन्तर्राष्ट्रिय संचारमाध्यमहरुले जनाएका छन् ।

क्रेमलिन आलोचक अलेक्सी नाभाल्निको मुद्दालाई अमेरिकाले जोडतोडका साथ उठाइरहेको छ । भेटअघि राष्ट्रपति पुटिनले समकक्षी बाइडनलाई योग्य विरोधीको उपमा दिएका छन् ।

छुटाउनुभयो कि?

सम्पूर्ण