पूर्वाञ्चल विश्वविद्यालयको तालाबन्दी खोल्न आग्रह

0SHARES

१२ भाद्र २०७५ नेपाल टाईम्स

विराटनगर : सोमबार प्रदेश सभा बैठकमा पूर्वाञ्चल विश्वविद्यालय (पूवि)को सेवा आयोगमा विद्यार्थी संगठनहरुले लगाएको तालाबन्दी खोल्न सांसदहरुले सरकारलाई ध्यानाकर्षण गराएका छन् ।

तालाबन्दी भएको एकहप्ता भईसक्दा समेत खोल्नका लागि पहल नभएको भन्दै प्रमुख प्रतिपक्षी दल नेपाली काङ्ग्रेसका सचेतक सुयर्माराज राई र सांसद् लोकप्रसाद संग्रौलाले सरकारमा भएको दल निकट विद्यार्थी संगठनले तालाबन्दी गर्नु उचित नभएको धारणा राखे ।

प्रदेश नं १ का सामाजिक विकास मन्त्री जीवन घिमिरेले पूर्वाञ्चल विश्वविद्यालय लगायत शैक्षिक संरचनाहरु अहिलेपनि केन्द्र सरकारकै मातहतमा रहँदा त्यस्ता संस्थाको संस्थागत सुधारमा अवरोध भईरहेको बताए । आजको उद्घोष दैनिकमा समाचार छापिएको छ ।

विज्ञापन बक्स