पेट्रोलियम पदार्थको मूल्य बढ्यो, पेट्रोलमा १, डिजेल र मट्टितेलमा २ रुपैयाँ वृद्धि

0SHARES

४ भाद्र २०७५ नेपाल टाईम्स

विराटनगर,भदौ ४
नेपाल आयल निगमले आइतबार राति १२ बजेपछि लागू हुने गरी पेट्रोलियम पदार्थको मूल्य बृद्धि गरेको छ । निगमका अनुसार पेट्रोल प्रतिलिटर एक, डिजेल र मट्टितेल २ र हवाई इन्धनमा ४ रुपैयाँ ५० पैसा मूल्य वृद्धि भएको छ ।

नयाँ मूल्य अनुसार अब पेट्रोल प्रतिलिटर १ सय ११, डिजेल र मट्टितेल ९५ र हवाई इन्धनको १ सय ४ रुपैयाँ ५० पैसा पुगेको छ । खाना पकाउने गयासको मूल्य भने यथावत राखिएको निगमले बताएको छ । स्वचालित मूल्य प्रणालीअनुसार निगमले मूल्य समायोजन गरेको निगमका प्रवक्ता विरेन्द्र गोईतले बताएका छन् ।

नयाँ मूल्य अनुसार पेट्रोलमा प्रतिलिटर ६५ पैसा नाफा, डिजेलमा ७० पैसा घाटा र मट्टितेलमा ७० पैसा नाफा रहेको छ । खाना पकाउने ग्यासमा निगमले प्रति सिलिण्डर २ सय ८० रुपैयाँ ६४ पैसा घाटा रहेको बताएको छ । मूल्य समायोजन गर्दा पनि भारतमा भन्दा नेपालमा पेट्रोल प्रतिलिटर २३ रुपैयाँ ९७ पैसा र डिजेल २५ रुपैयाँ ३३ पैसा सस्तो रहेको निगमले बताएको छ ।

विज्ञापन बक्स