‘प्रदेश नं. १ नेपाल– भारतको सबैभन्दा ठूलो व्यपारिक हब’

0SHARES

४ पुष २०७५ नेपाल टाईम्स

विराटनगर पुस ४
भारतीय राजदूत मञ्जितसिंह पुरीले प्रदेश १ नेपाल– भारतको सबैभन्दा ठूलो व्यपारिक हब भएको बताएका छन् । प्रदेश १ नै भारतका बिहार, पश्चिम बङ्गाल र सिक्किमसँग जोडिएको बताउँदै पुरीले रेल र जलमार्ग बनेपछि झनै राम्रो व्यापार हुने जानकारी दिए ।

नेपाल उद्योग वाणिज्य महासङ्घको आयोजनामा बिराटनगरमा आज भएको नेपाल– भारत सीमापार गोष्ठीमा बोल्दै राजदुत पुरीले पुर्वी नेपालका सिमा क्षेत्र जोगबनी र पानीट्याङ्कीजस्ता महत्वपूर्ण सीमा भएको र सप्तकोशीमा जलमार्ग बन्ने कुराले प्रदेश १ को राम्रो सम्भावना भएको भनाई थियो।

कार्यक्रममा प्रदेश १ का मुख्यमन्त्री शेरधन राईले चिन र भारतलाई जोड्ने प्रदेश समेत एक नं प्रदेश रहेकाले यी दुबै देशँंगको सहकार्यबाट प्रदेश नं एकको बिकासको सम्भावनालाई बिकास र समृद्धीको बाटोमा अघि बढाइने जानकारी दिए ।

कार्यक्रममा नेपाल उद्योग वाणिज्य महासङ्घका अध्यक्ष भवानी राणा,उपाध्यक्ष किशोर श्रेष्ठ लगायतले प्रदेश नं एक बिकासको प्रशस्त सम्भावना रहेकाले यसलाई अधिकत्तम सदुपयोग गर्न सक्नु पर्नेमा जोड दिएका थिए ।

कार्यक्रममा नेपाल तथा भारतको सीमापार प्रहरी, भन्सार अधिकारी र व्यापारीहरूको उपस्थिति रहेकोे थियो ।कार्यक्रममा नेपाल उद्योग वाणिज्य महासङ्घका केन्द्रिय सदस्य अविनास बोहराले प्रदेश नं एक भित्र पर्यटन,जलमार्ग,हाइड्रोपावर,कृषि लगायतका क्षेत्रको सम्भाबनाका बिषयलाई समेटेर तयार पारेको कार्यपत्र प्रस्तुत गरेका थिए ।

विज्ञापन बक्स