प्रदेश १ मा एसईइको तयारी पूरा, ८४ हजार विद्यार्थी सहभागि हुदै

0SHARES

८ चैत्र २०७५ नेपाल टाईम्स

विराटनगर,चैत ८
यस वर्षको एसइई परीक्षा आइतबारबाट सुरु हुँदैछ । प्रदेश १ मा परीक्षाको सम्पूर्ण तयारी पूरा भएको सामाजिक विकास मन्त्रालय प्रदेश नम्बर १ का उपसचिव दिव्यराज कट्टेलले जानकारी दिएका छन् । एसइई परीक्षामा प्रदेश नम्बर १ मा ३ सय ७२ वटा परीक्षा केन्द्र तोकिएको छ भने ८४ हजार ५ सय ८ जना परीक्षार्थी सामेल भएको उपसचिव दिव्यराज कट्टेलले जानकारी दिए ।

प्रदेश १ को अस्थायी राजधानी रहेको जिल्ला मोरङमा यसपटक १८ हजार ३ सय ५२ जना विद्यार्थी एसइई परीक्षामा सहभागी हुँदैछन् । शिक्षा विकास तथा समन्वय इकाइ मोरङले मोरङले ६९ वटा केन्द्रमा केन्द्राध्यक्षसमेत चयन गरिसकेको छ । मोरङमा सामुदायिक १ सय ७९ वटा र संस्थागत गरी १ सय ८९ वटा गरी ३ सय ६८ वटा विद्यालय रहेका छन् । यस पटकको परीक्षामा नियमिततर्फ १८ हजार ३ सय ५२ जना र एक्जाम्टेडतर्फ २ सय ८४ जना विद्यार्थी सहभागी हुनेछन् ।

शिक्षा विकास तथा समन्वय इकाइ मोरङका प्रमुख राजेन्द्र बुढाथोकीले यसपटक केन्द्रमा उत्तर पुस्तिका र प्रश्नपत्र पठाइसकेको बताए । उनले मोरङमा माध्यमिक शिक्षा परीक्षाका लागि २ हजार ६ सय ७१ जना जनशक्ति परिचालन गरिने शिक्षा विकास तथा समन्वय इकाई मोरङका प्रमुख राजेन्द्र बुढाथोकीले बताए ।

उनले मोरङमा माध्यमिक शिक्षा परीक्षाका लागि २ हजार ६ सय ७१ जना जनशक्ति परिचालन गरिने जानकारी दिए । माध्यमिक शिक्षा परीक्षा(एसइई) देशभरबाट ४ लाख ७५ हजार ३ जना परीक्षार्थी परीक्षामा सामेल हुने भएका छन । मुलुक संघीयतामा गैसकेको अवस्थामा पहिलो पटक परीक्षा व्यवस्थापन, संचालन,अनुगमन उत्तरपुस्तिका खरिद लगायतसम्पूर्ण काम प्रदेश सरकारले गरेको छ । आइतबार बिहान ८ बजेदेखि ११ बजेसम्म हुने एसइई परीक्षा २१ गतेसम्म हुने छ ।

विज्ञापन बक्स