प्रदेश २ का विभिन्न ठाउँबाट सात सय थान अक्सिजन सिलिन्डर बरामद

786SHARES

२६ बैशाख, महोत्तरी । प्रदेश नम्बर २ का विभिन्न ठाउँबाट सात सय थान अक्सिजन सिलिन्डर बरामद गरिएको छ ।

आइतवार दिउँसो प्रदेश नम्बर २ का विभिन्न ठाउँमा सञ्चालित उद्योग, कलकारखाना, कवाडी, ग्यास बेल्डिङ पसल तथा गोदाममा स्टक गरी राखिएको सात सय थान अक्सिजन सिलिन्डर बरामद गरिएको हो ।

नियन्त्रणमा लिइएकोमध्ये एक सय ३२ थान भरिएका सिलिन्डर रहेको पाँच सय ६८ थान खाली सिलिन्डर रहेको प्रदेश प्रहरी कार्यालय जनकपुरधामले जनाएको छ ।

बरामद गरिएका सिलिन्डर सम्बन्धित अक्सिजन प्लान्ट उद्योग, अस्पताल र आधिकारिक बिक्रेतालाई बुझाइएको प्रदेश प्रहरी कार्यालयका प्रवक्ता एवम् सूचना अधिकारी प्रहरी उपरीक्षक (एसपी) कृष्ण प्रसाईँले जानकारी दिनुभयो ।

विषम परिस्थितिमा स्वास्थ्य प्रायोजनबाहेक जथाभाबी रूपमा अक्सिजन सिलिन्डर स्टक नगरिदिन प्रदेश प्रहरी कार्यालय जनकपुरधामले जनाएको छ ।

छुटाउनुभयो कि?

सम्पूर्ण