बङ्गलादेशविरुद्धको खेलमा नेपालका दुई खेलाडी परिवर्तन,कप्तानी किरणले नै गर्ने

0SHARES

२३ भाद्र २०७५ नेपाल टाईम्स

काठमाडौँ, भदौ २३
बङ्गलादेशको ढाकामा जारी साफ च्याम्पियनसीप फुटबलअन्तर्गते बङ्गलादेशविरुद्धको खेलमा नेपालले दुई खेलाडी परिवर्तन गरेको छ । खेल आज साँझ ६ः ४५ बाट सुरु हुनेछ ।

नेपालले भुटानविरुद्ध खेलेका दुई खेलाडीलाई सुरुवाती खेलाडीमा नराखेको हो ।आज हुने बङ्गलादेशविरुद्धको खेलमा पनि गोलकिपर किरण चेम्जोङले कप्तानी सम्हाल्नेछन् ।

नेपालले आज अन्जन विष्टको स्थानमा भरत खवास र विशाल राईको स्थानमा निराजन खड्कालाई टोलीमा राखेको नेपाली प्रशिक्षक बालगोपाल महर्जनले जानकारी दिए । मुख्य प्रशिक्षक महर्जनले आजको खेलमा नेपाली टोलीलाई चार, चार, दुईको ढाँचामा खेलाडी मैदान उतार्ने बताएका छन् ।

नेपाली टोलीमा गोलकिपर किरण चेम्जोङ, डिफेन्डरमा सुमन अर्याल, अनन्त तामाङ, आदित्य चौधरी, दिनेश राजवंशी, मिडफिल्डरमा रोहित चन्द, निराजन खड्का, सुजल श्रेष्ठ, सुनिल बल र फरवार्डमा विमल घर्तीमगर तथा भरत खवास छन् ।

बङ्गलादेशविरुद्ध विगतको नतिजा हेर्ने हो भने नेपालको पक्षमा छैन । साफ च्याम्पियनसिपमा बङ्गलादेशविरुद्ध छ पटक प्रतिष्पर्धा गरिसकेको नेपालले चारमा पराजित र दुईमा जित हासिल गरेको छ । सेमिफाइनलमा स्थान बनाउन नेपाललाई आजको खेल जित्नै पर्ने दबाब छ ।

विज्ञापन बक्स