बजेट कार्यान्वयनमा निर्वाचनले असर पार्दैन स् अर्थमन्त्री

608SHARES

१८ जेठ, काठमाडौं ।

अर्थमन्त्री विष्णुप्रसाद पौडेलले आगामी कात्तिक र मङ्सिरमा हुने मध्यावधि निर्वाचनले आगामी आवको बजेट कार्यान्वयनमा कुनै असर नगर्ने दाबी गरेका छन् ।

सरकारले अध्यादेशमार्फत बजेट ल्याउँदा कार्यान्वयनमा आशंका गरिएका बेला उनले निर्वाचन सरकारको रोजाइ नभई परिस्थितिजन्य बाध्यता भएको भन्दै कार्यान्वयनमा असर नगर्ने दाबी गरेका हुन् ।

बजेट कार्यान्वयनका लागि मन्त्रालयगत कार्ययोजनाहरू पनि माग गरिसकेकाले यसको कार्यान्वयनप्रति आशंका नगर्न उनले आग्रह गरेका छन् ।

नेपाल आर्थिक पत्रकार समाज (सेजन) ले सोमवार आयोजना गरेको बजेटपछिको छलफल कार्यक्रममा बजेट कार्यक्रम राम्रो हुँदाहुँदै पनि कार्यान्वयनमा शंका गरिएको भन्दै उनले त्यस्तो हुन नदिन मन्त्रालयगत कार्यायोजना बनाएर सरकार अघि बढ्ने बताए ।

सरकारले शनिवार अध्यादेशमार्पmत आर्थिक वर्ष २०७८÷७९ को बजेट सार्वजनिक गरेको थियो । सरकारले ल्याएको यो बजेट तथा कार्यक्रम यसपछि आउने सरकारले निरन्तरता दिने उनको दाबी छ ।

‘निर्वाचनपछि पनि एमाले नेतृत्वकै सरकार बन्ने सामथ्र्य छ,’ पौडेलले भने, ‘जनताप्रतिको जिम्मेवारी पूरा गर्न र संविधानको कार्यान्यवन गर्न बजेट ल्याएका हौं । टिप्पणी गर्नेले बजेटभित्र बसेर गर्नुपर्छ,’ उनले भने, ‘निर्वाचन हुँदै छ बजेट नल्याउ भन्न मिल्दैन ।’

सरकार जनताको स्वास्थ्यप्रति जिम्मेवार रहेको भन्दै उनले सबै जनतालाई कोभिडविरुद्धको खोप उपलब्ध गराउने अभिभाराका साथ बजेट ल्याइएको दाबी गरे । उनले राजनीतिक दलका टिप्पणीबाट भ्रमित नभई आर्थिक क्रियाकलापमा लाग्न निजीक्षेत्रलाई आग्रह गरे ।

छुटाउनुभयो कि?

सम्पूर्ण