बल्व खरिद प्रकरण : अनियमिता गर्नेमाथि कारबाहीको माग राख्दै एक घण्टा धर्ना

0SHARES

१८ माघ २०७४ नेपाल टाईम्स

इटहरी, माघ १८
सिएफएल बल्व खरिद प्रकरणमा आर्थिक अनियमिता गर्नेहरुलाई कारबाहीको माग राख्दै नेपाली काँग्रेस इटहरीले इटहरी उपमहानगरपालिकाको मुल गेटमा एक घण्टा धर्ना दिएको छ ।

सिएफएल बल्व खरिदमा आर्थिक अनियमितता भएको प्रतिवेदन उपमहानगरपालिकाले बनाएको छानबिन समितिले समेत ठहर गरे पनि कारवाही नगरिएको भन्दै काग्रेसले दोषीलाई कारबाहीको माग राख्दै धर्ना दिएको हो ।

कांग्रेस नगर समिति इटहरीले उपमहानगरपालिकाको मुलगेटमा बिहान १० देखि ११ बजे सम्म धर्ना दिएको हो । कांग्रेसले सिएफएल प्रकरणका दोषीलाई कारबाही नगरेसम्ममा चरणबद्ध आन्दोलनका कार्यक्रम सञ्चालन गर्ने जनाएको छ ।

यसअघि इटहरी कांग्रेसले दोषीलाई कारवाही गर्न ७ दिने अल्टिमेटमसमेत दिइसकेको थियो । धर्नामा नगर सभापति हेमकर्ण पौडेल, सचिव प्रकाश बस्नेत, विजय खत्री, शिवराज दहाल, केवश सिटौला, दिपक ढकाल, विमला ढकाललगायतका नेताहरुको सहभागिता थियो ।

इटहरी उपमहानगरपालिकाले गत साउनदेखि कात्तिकसम्म सिएफएल बल्व तथा सेट खरिदमा आर्थिक अनियमितता भएको भन्ने विषयमा अख्तियार दुरुपयोग अनुसन्धान आयोगले समेत अनुसन्धान गरिरहेको छ ।

विज्ञापन बक्स