बाइडनको विजय लगभग पक्का, जर्जियामा पनि ट्रम्पलाई पछि पारे

0SHARES

२१ कार्तिक २०७७ नेपाल टाईम्स

२१ कात्तिक, एजेन्सी ।

अमेरिकाको राष्ट्रपतीय निर्वाचनको मतगणना चलिरहेको छ । यसैबीच डेमोक्रेटिक पार्टीका उम्मेदवार जो बाइडनले महत्वपूर्ण मानिएको जर्जियामा रिपब्लिकन पार्टीका डोनाल्ड ट्रम्पबाट पछि परेको अवस्थालाई उल्ट्याउँदै आग्रता कायम गरेका छन् ।

यो राज्यमा अहिलेसम्मको मतगणनामा बाइडनले २४ लाख ४९ हजार ३७१ मत पाएका छन् भने ट्रम्पले २४ लाख ४८ हजार ४५४ मत पाएकाे न्युयोर्क टाइम्सले जनाएकाे छ । यसअघि यो राज्यमा ट्रम्पले अग्रता लिँदै आएका थिए ।

यो राज्यमा जित हात पार्ने उम्मेदवारले १६ इलेक्टोरल भोट पाउनेछन् । जर्जियामा जित हात पारे बाइडनलाई राष्ट्रपतिमा निर्वाचित हुन पर्याप्त हुनेछ । सन् २०१६ मा भएको निर्वाचनमा जर्जियामा ट्रम्पले जित हासिल गरेका थिए ।

विज्ञापन बक्स