बारामा स्थानीय र प्रहरीबीच झडप हुँदा तीन प्रहरीसहित एक बालक गम्भिर घाइते

0SHARES

१३ कार्तिक २०७७ नेपाल टाईम्स

१३ कार्तिक, बारा ।
बुधवार राति बारामा प्रहरी र स्थानीय बीच झडप हुँदा तीन प्रहरीसहित एक बालक घाइते भएका छन् ।

बाराको सुवर्ण गाँउपालिका वडा नम्बर २ कबहीगोठमा तस्करलाई सघाउने स्थानीय र प्रहरीबीच भएको झडपमा प्रहरीले चलाएको गोली लागेर कबहीगोठका चन्देश्वर यादवका छोरा १४ वर्षीय रन्जन यादव गम्भीर घाइते भएका हुन्।

टाउकोमा गोली लागेका रन्जनको वीरगन्जस्थित नारायणी बयोधा अस्पतालमा उपचार भइरहेको छ। उनको अवस्था गम्भिर रहेको छ । भन्सार छलि ल्याएको सामान नियन्त्रणमा लिएपछि प्रहरी र स्थानीय बीच झडप भएको प्रहरीले जनाएको छ ।

प्रहरीले स्थिति नियन्त्रणमा लिन १२ राउण्ड हवाई फायर गरेको बाराका प्रहरी प्रमुख कृष्ण पंगेनीले जानकारी दिए । झडपमा प्रहरी नायव निरिक्षक सहित तीन जना प्रहरी घाईते भएका हुन् ।

सिमा बन्द रहेको अवस्थामा चोरी पैठारी गरी भारतबाट नेपाल तर्फ तीन वटा मोटरसाइकलमा ल्याउँदै गरेको प्याज प्रहरीले नियन्त्रणमा लिएका थिए । उक्त प्याज लिन पुगेको प्रहरीको भ्यानमा समेत स्थानीयले तोडफोड गरेका छन् ।

विज्ञापन बक्स