बार्सिलोनाको संघर्षपूर्ण जित

0SHARES

१० भाद्र २०७५ नेपाल टाईम्स

एजेन्सी, भदौ १०
स्पेनिस ला लिगा फुटबलमा क्याटलान क्लब बार्सिलोनाले संघर्षपूर्ण जित निकालेको छ । बार्सिलोनाले रियल भालाडोलिडमाथि १–० को कठिन जित निकालेको हो । भालाडोलिडको घरेलु मैदानमा शनिबार राति भएको खेलमा बार्सिलोनालाई जित दिलाउन औसमाने डेम्बेलेले निर्णायक गोल गरे । प्रतिस्पर्धात्मक बनेको खेलको पहिलो हाफ गोलरहित बराबरीमा सकिएको थियो । तर, ५७औं मिनेटमा डेम्बेलेले गोल गर्दै बार्सिलोनालाई १–० को अग्रता दिलाए ।

लुइस स्वारेजले गोल गरेपनि रेफ्रीले उनको गोललाई मान्यता दिएन । बार्सिलोनाका केही सुन्दर मौकाहरु भालाडोलिडका गोलरक्षकले बचाएको थियो । यता भालाडोलिडले पनि गोल गर्ने केही सुन्दर मौकाहरु खेर फालेको थियो । त्यसपछि थप गोल निस्कन नसक्दा बार्सिलोना १–० ले विजयी हुन सफल भयो । बार्सिलोनाको यो लगातार दोस्रो जित हो ।

जितसँगै बार्सिलोना ६ अंकसहति शीर्ष स्थानमा रहेको छ । यस्तै शनिबार राति नै भएको खेलमा एट्लेटिका मड्रिडे रायभालेकानोमाथि १–० को जित निकाल्यो । एट्लेटिकोको जितमा एन्टोइन ग्रिजम्यानले गोल गरे ।

विज्ञापन बक्स