बेग्लाबेग्लै सवारी दुर्घटनामा सात जना घाइते

0SHARES

१३ असार २०७५ नेपाल टाईम्स

विराटनगर, असार १३
मंगलबार भएको बेग्लाबेग्लै सवारी दुर्घटनामा सात जनाको घाईते भएका छन् ।सुनसरीको इटहरीमा मंगलबार कार, स्कुटर र सिटी रिक्सा ठोक्किंदा तीन जना घाइते भएका छन् ।

इटहरी उपमहानगरपालिका १० साथीफ्युल नजिकै बिराटनगरबाट ईटहरीतर्फ जादै गरेको बा ९ च ३५ नम्बरको कारले सोही दिशामा रहेको बा १२ च ७४७८ नम्बरको कारलाई पछाडीबाट ठक्कर दिंदा उक्त कार अनियन्त्रित भई को १७ प १६८७ नं को स्कुटर र सिटि रिक्सासंग ठोक्किएको थियो।

दुर्घटनामा स्कुटरका चालक ईटहरी–१० खनार बस्ने गोपाल खत्री, उनकी पत्नी श्रीमति रुपमणी खत्री र छोरी घाइते भएका छन्।

घाइते तीनै जनालाई उपचारका लागी न्युरो अस्पताल विराटनगर ल्याइएको छ भने दुर्घटनामा संलग्न कार तथा सिटी रिक्सालाइ प्रहरीले नियन्त्रणमा लिई राखेको छ।

यता ईनरुवा नगरपालिका –१० जाल्पापुरमा मंगलबार दिउँसो ट्याम्पु दुर्घटना हुँदा चार जना घाइते भएका छन् ।

दक्षिणबाट उत्तर तर्फ आउदै गरेको को १ ह ८३३२ नम्बरको ट्याम्पु अनियन्त्रित भई पल्टिंदा मोरङ बिराटनगर–४ बस्ने जितेन्द्र राम, सुनसरी हरिनगरा गाउँपालिका २ बस्ने पुनम देवी राम र उनका छोरा वर्ष ३ को विकि राम तथा छोरी रेखा राम घाइते भएका छन।

घाइते चारै जनाको जिल्ला अस्पताल सुनसरीमा उपचार भईरहेको छ भने ट्याम्पुका चालकलाई प्रहरीले अनुसन्धानका लागी नियन्त्रणमा लिईएको छ।

विज्ञापन बक्स