बोलिभियाकी विपक्षी सिनेटर जीनाइनले आफैंलाई गरिन् राष्ट्रपति घोषणा

२७ कार्तिक २०७६

२७ कार्तिक, एजेन्सी । बोलिभियाकी विपक्षी सिनेटर जीनाइन अनेजले आफैंलाई देशको अन्तरिम राष्ट्रपति घोषणा गरेकी छन् ।

निर्वाचनमा धाँधली भएको आरोपमा व्यापक विरोध प्रदर्शन भएपछि राष्ट्रपति इभो मोरालेजले गएको आइतबार राजीनामा दिएका थिए । विपक्षी सिनेटरले आफूलाई राष्ट्रपति घोषणा गर्न आयोजित सिनेटको बैठक मोरालेजको पार्टीका विधायकहरुले बहिस्कार गरेको बीबीसीले जनाएको छ ।

तर, ती सिनेटरले आफू संविधानअनुसार राष्ट्रपतिको दावेदार भएको जनाउँदै चाँडै निर्वाचन गराउने बताएका थिए । सो घोषणालाई पूर्व राष्ट्रपति मोरालेजले भने आलोचना गरेका छन् । आफ्नो जीवन असुरक्षित भएको भन्दै मोरालेज मेक्सिको तर्फ गएका छन् ।

उनले शरण मागेपछि मेक्सिकोले शरण दिएको थियो । मोरालेजले गत आइतबार राष्ट्रपति पदबाट राजीनामा दिएका थिए ।

Facebook Comments

विज्ञापन बक्स