भन्सार तिरेको माछा विराटनगरका प्रहरीले सडकमा फालिदिए

२२ भाद्र २०७६

२२ भदौ, काठमाडौं । बिराटनगर रानी भन्सार हुँदै नेपाल ल्याउँदै गरेको साढे ३ लाखको करिब १३ सय २० केजी माछा प्रहरीले सडकमै फालिदिएको छ ।

सडकमा खटिएको वडा प्रहरी कार्यालय विराटनगरका सन्तोषकुमार यादवको नेतृत्वमा रहेको टोलीले स्थानीय कलेज रोडमा रोकेर सडकमै माछा फालिदिएको ब्यापारीहरुले बताएका छन । भन्सार काटेर ल्याएको माछा सडकमा फालीदिएपछि स्थानीय ब्यवसायीहरु आक्रोसित बनेका छन् ।

साढे ३६ हजार भन्सार तिरेर ल्याएको साढे ३ लाखको माछा प्रहरीले रोडमै फालिदिएपछि माछा व्यापारी आक्रोसित बनेका हुन । प्रहरीले ब्यापारीमाथि गरेको यस्तो ब्यबहारले प्रहरीले आफनो दबदवाहट सिर्जना गर्न खोजेको भन्दै स्थानीय ब्यापारीले स्थानीय प्रहरी प्रशासन विरुद्ध आन्दोलनमा उत्रिने चेतावनी दिएका छन । काम गरेर पनि खान नदिने भए । जसले सुरक्षादिनुपर्ने हो उसैको यस्तो त्रास फैलिएपछि कसरी ब्यापार ब्यवसाय गर्नु भन्ने चिन्ता भयो स्थानीय ब्यापारी सन्दिप सहनीले भने यस्तो अवस्थामा कसरी ब्यापार ब्यवसाय गर्नु ,सरकारलाई कर तिर्नु हो कि ? हामीले प्रहरी वा भन्सार कर्मचारी वा टोले नाइके भन्नेहरुलाई तिर्नुपर्ने हो निश्चित गरिदिनु पर्याे ।

प्रहरीले चेक जाँचको नाममा ब्यवसायीहरुलाई गर्ने दुब्र्यवहार र प्रहरीले देखाउने दादागिरीले ब्यवसायीहरु आक्रान्त भएको अर्का ब्यवसायी नसरुल मियाँले बताए । ब्यवसायीले प्रक्रिया पूरा गरेर ल्याएको सामान सडकमा फाल्ने अधिकार प्रहरीलाई नभएको र यस्तो कार्य गर्ने माथि छानविन गरी कारबाही गर्नु पर्ने माग उनीहरुले गरेका छन् ।

ब्यवसायीहरुले मोरङ प्रहरीका डिएसपी घनश्याम श्रेष्ठले आफुहरुसँग मासिक रुपमा एक लाख मागेको समेत आरोप लगाएका छन । प्रहरीले भन्सारमा कहीकतै पैसा तिर्नु नपर्ने तर आफूलाई मासिक एक लाख बुझाउनुपर्ने श्रेष्ठले बताउने गरेको माछा ब्यापारी निलम सहनीले बताइन् ।

यता डिएसपी श्रेष्ठले भने आफूलाई लगाएको आरोप निराधार र कपोकल्पित रहेको बताएका छन् । उनले ब्यापारीले नै माछा सडकमा फ्याकेर प्रहरीलाई बदनाम गराएको बताए । यस विषयमा थप अनुशन्धान भईरहेकाले दोषीलाई कारवाही गरिने बताए ।

Facebook Comments

विज्ञापन बक्स