भारतीय प्रधानमन्त्री मोदी पुगे लद्दाख

0SHARES

१९ असार २०७७ नेपाल टाईम्स

१९ असार, एजेन्सी । भारतीय प्रधानमन्त्री नरेन्द्र मोदी शुक्रबार लद्दाख पुगेका छन् । प्रधानमन्त्री मोदीसँगै चीफ अफ डिफेन्स स्टाफ (सीडीएफ) जनरल बिपिन रावत र अन्य वरिष्ठ अधिकारी पनि लद्दाखको लेह पुगेका हुन् ।

भारत–चीन सीमा क्षेत्रमा भएको झडपपछिको अवस्थाबारे बुझ्न र समीक्षा गर्न प्रधानमन्त्री लेह पुगेको भारतीय सञ्चारमाध्यमले जनाएका छन् । गएको १५ जुनमा चिनियाँ सेनासँगको सङ्घर्षको क्रममा २० जना भारतीय सैनिकको ज्यान गएको थियो ।

प्रधानमन्त्री मोदी निमु पुगेको र भारतीय सेनाका जवान, एअर फोर्स र आईटीबीपीका सुरक्षाकर्मीसँग कुरा गरेको भारतीय सञ्चारमाध्मयले जनाएका छन् ।

रक्षा मन्त्री राजनाथ सिंह पनि लद्दाख जाने बताइए पनि उनको भ्रमण बिहीबार स्थगित भएको थियो । सीमा क्षेत्रमा खटिएका सुरक्षाकर्मीको मनोबल बढाउन मोदी लेह पुगेका सञ्चारमाध्मयले बताएका छन् ।

विज्ञापन बक्स