भूमिहीनका पक्षमा काम गर्न अध्यक्ष ज्ञवालीको आग्रह

433SHARES

१५ फागुन, नुवाकोट ।

भूमिसम्बन्धी समस्या समाधान आयोगका अध्यक्ष देवीप्रसाद ज्ञवालीले जिल्ला समितिका पदाधिकारी र स्थानीय तहलाई जग्गाविहीनका पक्षमा निष्पक्षरुपमा काम गर्न आग्रह गरेका छन् ।

आयोगको जिल्ला समितिको कार्यालय शुक्रबार उद्घाटन गर्दै अध्यक्ष ज्ञवालीले वास्तविक भूमिहीनको पहिचान गरी काम गरेर पुण्य कमाउन आग्रह गरेका हुन् ।

उनले जग्गासम्बन्धी धेरै समस्या रहेकोले काम गर्न त्यति सहज नभए पनि अहिले कानुन, नियमावली र कार्यविधि बनाएर सरकारले आयोग स्थापना गरेकोले निर्धक्क भएर काम गर्नुपर्ने बताए।

उनले जिल्लामा स्थानीय प्रशासन, नापी कार्यालय, मालपोत कार्यालय, वन कार्यालय, स्थानीय तहसँग सहकार्य गरेर वास्तविक भूमिहीन तथा भूमि भएर भूमिहीन भएकाको विवरण सङ्कलन गरी पुर्जा वितरणको वातावरण बनाउन आग्रह गरे ।

जिल्ला समितिका अध्यक्ष बिन्दा ढुङ्गानाले जिल्लाका १२ वटा स्थानीय तहमध्ये १० वटासँग सम्झौता भइसकेको जानकारी दिए।रासस

छुटाउनुभयो कि?

सम्पूर्ण