भेरी अस्पतालमा जनशक्ति अभाव, डाक्टरसहितको टोली नेपालगञ्ज जाँदै

292SHARES

१९ वैशाख, बाँके । नेपालगञ्जमा रहेको भेरी अस्पतालको कोभिड वार्डमा जनशक्तिको अभाव भएपछि जुम्लामा रहेको कर्णाली स्वास्थ्य विज्ञान प्रतिष्ठान शिक्षण अस्पतालबाट डाक्टरसतिहको टोली सहयोगका लागि नेपालगञ्ज जाँदैछ ।

प्रतिष्ठानका एनेस्थेसिया तथा सघन उपचार विभाग प्रमुख डाक्टर प्रवीण गिरी नेतृत्वको डाक्टर तथा स्वास्थ्यकर्मीको टोली नेपालगञ्ज जान लागेको प्रतिष्ठानका रजिस्ट्रार विश्वराज काफ्लेले बताए ।

स्वास्थ्य तथा जनसङ्ख्या मन्त्रालयको आग्रहपछि प्रतिष्ठानका ६ डाक्टर र स्वास्थ्यकर्मीको टोली भेरी अस्पतालमा खटाइन लागिएको हो ।

प्रमुख गिरीसहित डाक्टर अरुण श्रेष्ठ, डाक्टर हरि न्यौपाने, नर्सहरु सुष्मिता खड्का, तेन्जिङ लामा र प्यारामेडिक्स नरेन्द्र शर्मा भेरी अस्पतालमा जान लागेका हुन् । मौसमले साथ दिए आजै नेपालगञ्ज जाने तयारी गरिएको छ ।

नेपाल सरकारले कोरोनाको उपचार र व्यवस्थापनका लागि अस्पतालमा टोली बनाएको छ । यो टोलीले जहाँ अप्ठ्यारो पर्छ त्यहाँ पुगेर सहयोग गर्नेछ । यो टोली निश्चित समयका लागि परिचालन हुने गरेको छ ।

छुटाउनुभयो कि?

सम्पूर्ण