मन्देकाजी श्रेष्ठ बने उत्कृष्ट पुरुष खेलाडी

0SHARES

२८ पुष २०७७ नेपाल टाईम्स

२९ पुस, काठमाडौँ ।

१३औं दक्षिण एसियाली खेलकुद सागमा २ स्वर्ण जितेका मन्देकाजी श्रेष्ठ उत्कृष्ट पुरुष खेलाडी भएका छन् ।

नेपाल खेलकुद पत्रकार मञ्च एनजेएफले मंगलबार आयोजना गरेको १७औं संस्करणको पल्सर स्पोर्ट अवार्डमा मन्देकाजीले वर्ष खेलाडी पुरुषको अवार्ड जितेका हुन् । उनले १५० सीसीको पल्सर मोटरसाइकल पाए ।

साफ कराते च्याम्पियनसिपमा श्रेष्ठले स्वर्ण जितेका थिए । यो विधामा एथ्लेटिक्सका गोपीचन्द पार्की, गल्फका सुवास तामाङ, फुटबलका विकेश कुथु र तेक्वान्दोका कमल श्रेष्ठ मनोनयनमा परेका थिए ।

गत वर्ष मंसिरमा नेपालमा आयोजना भएको १३औं सागमा मन्देले दुई स्वर्ण जितेका थिए । उनले सागमा एकल काता र टिम कातामा स्वर्ण जितेका हुन् ।

यस्तै आठौं राष्ट्रिय खेलकुदमा एकल कातामा स्वर्ण र टिम कातामा रजत जितेका थिए । बंगलादेशमा भएको साफ च्याम्पियनसिपमा टिम कातामा स्वर्ण र एकल कातामा कास्य पदक जितेका थिए ।

यस्तै नवौं थाइल्याण्ड ओपन च्याम्पियनसिपमा सिनियर कातामा रजत पदक जितेका थिए ।

विज्ञापन बक्स