मलेसियाका पूर्वप्रधानमन्त्री पुनः भ्रष्टाचार नियन्त्रण निकायमा उपस्थित

0SHARES

३१ जेष्ठ २०७५ नेपाल टाईम्स

क्वालालम्पुर, जेठ ३१

मलेसियाका पूर्वप्रधानमन्त्री नजिब रजाक यहाँको भ्रष्टाचार नियन्त्रणसम्बन्धी निकायमा बिहीबार दोस्रो पटक पनि उपस्थित भएको समाचार छ ।

उनलाई करिब महिनादनि मात्र अघिपनि उक्त निकायमा उपस्थित गराइएको थियो । राजधानी क्वालालम्पुरबाट प्राप्त समाचारमा उनलाई बिहीबार उक्त निकायले भ्रष्टाचारको विषयमा प्रश्न गरेको जनाइएको छ ।

सरकारी लगानीको एक कम्पनी एमडिबीमा लगानीको विषयमा उनको संलग्नताको बारेमा यसअघि नै प्रश्न उठेको थियो । सोही विषयमा उनीमाथि प्रश्न गरिएको हो ।

उनीमाथि उक्त कम्पनीमा लगानी गर्नुको सट्टा करिब चार करोड २० लाख मलेसियल रिङ्गीट किन आफ्नो व्यक्तिगत खातामा जम्मा गरिएको हो भन्ने बारेमा प्रश्न गरिएको छ ।

उनीमाथि उक्त खाताको विषयलाई लिएर अनियमितताको प्रश्न उठेको छ । उनीमाथि भ्रष्टाचारको मुद्दा लाग्नपनि सक्ने बताउँदै आइएको छ ।

रासस

 

विज्ञापन बक्स