माघ १ गतेदेखि विराटनगरमा सडक महोत्सव

0SHARES

२८ पुष २०७६ नेपाल टाईम्स

२८ पुस, विराटनगर ।
स्थानीय संस्कृति र जातीय खानाको प्रवद्र्धन गर्ने उद्देश्यका साथ यही माघ १ गतेदेखि विराटनगरमा चारदिने सडक महोत्सव हुने भएको छ । विराटनगर महानगरपालिकाको मुख्य प्रवद्र्धन र मञ्जिना मुभिज क्रिएसनको आयोजनामा हुने महोत्सवमा नेवारी, थारु, मारवाडी, थकालीसहित स्थानीय विभिन्न खानाका परिकारहरू मुख्य आकर्षण रुपमा रहने जनाइएको छ ।

त्यस्तै फुट ट्रक थप आकर्षणका रुपमा रहने आयोजकको भनाइ छ । ५० वटा स्टल रहने महोत्सवमा खानाबाहेक स्थानीय उत्पादन, व्यावसायिक स्टल पनि रहनेछन् । आयोजक समितिका प्रबन्ध निर्देशक जतिन ताम्राकारका अनुसार महोत्सवमा १ करोडको करोबार हुने अपेक्षा गरिउको छ । बालबालिकाका लागि गेमजोन, हरेक साँझ स्थानीय तथा राष्ट्रियस्तरका कलाकारहरूको प्रस्तुति रहनेछ । “यो महोत्सव नेपाल सरकारले अघि सारेको भ्रमण वर्षप्रति पनि लक्षित छ,” ताम्राकारले भने, “त्यही भएकाले प्रदेश–१ का प्रमुख पर्यटकस्थलहरूको फोटो प्रदर्शनी पनि राखिएको छ ।”

सीमावर्ती भारतीय बजार जोगबनी, फारविसगञ्ज, सुनसरी, मोरङ, झापालगायतका १ लाखभन्दा बढी दर्शकले महोत्सवको अवलोकन गर्ने कार्यक्रम सहसंयोजक सन्तोष महत (स्यान्ट्रो)ले जानकारी दिए । महोत्सव हरेक दिन ३ देखि राति ८ बजेसम्म सञ्चालन हुनेछ ।

विज्ञापन बक्स