मास्क लगाउन आग्रह गर्दा दिदीबहिनीले गरे गार्डमाथि २७ पटक छुरी प्रहार

0SHARES

१३ कार्तिक २०७७ नेपाल टाईम्स

१३ कार्तिक, एजेन्सी ।
मास्क र सेनिटाइजर लगाउन आग्रह गर्दा अमेरिकामा एक स्टोरका सेक्यूरिटी गार्डमाथि चक्कु प्रहार भएको छ ।

इलिनोइस राज्यमा गार्डको हत्याको प्रयास गरेकोमा दुई जना दिदी बहिनीलाई प्रहरीले पक्राउ गरेको छ ।
सिकागो प्रहरीका अनुसार मास्क बिना स्टोरमा पुगेका दुई दिनीबहिनीको ३२ वर्षीय गार्डसँग भनाभन परेको थियो ।

ती गार्डले दुईजनालाई मास्क र सेनिटाइजर प्रयोग गर्नुपर्ने बताउँदा विवाद भएको कुक काउन्टी स्टेट एटर्नी अफिसले जनाएको छ । वादविवादपछि २१ वर्षीया जेसिका हिलले चक्कु निकालेर ती गार्डको ढाड, घाँटी र हातमा २७ पटकसम्म प्रहार गरेकी थिइन् ।

दिदीले आक्रमण गर्दा उनकी १८ वर्षीया बहिनी जायला हिलले गार्डलाई कपालमा समेर भुइँमा लडाएर पक्रेकी थिइन् । प्रहरीका अनुसार पीडित गार्डको अवस्था अहिले स्थिर रहेको छ ।

विज्ञापन बक्स