मृत्युको मुखमा पुगेका बिरामीलाई नोबेलको साथ

0SHARES

१४ माघ २०७५ नेपाल टाईम्स

विराटनगर, माघ १४
गाला भित्र निस्किएको ट्यूमर बढ्दै गएर घाउमा किरा पर्दासमेत उपचार गर्न नसकी पीडाले तड्पिन बाध्य भएका मोरङको पथरीशनिश्चरेका चन्द्रबहादुर राईलार्ई नोबेल अस्पतालले उद्धार गरी निशुल्क उपचारको ब्यवस्था मिलाएको छ ।

पैसा नभएकै कारण उपचार गर्न नसक्दा थलिएर मृत्युको मुखमा पुगेका ४४ बर्षीय राईको नोबेल अस्पतालका सञ्चालक डा.सुनिल शर्माले अस्पताल ल्याई निशुल्क उपचारको ब्यवस्था गरेका हुन । छोराछोरी र श्रीमतीलेसमेत माया मारेर छोडिसकेका राईलाई डा.शर्माले उद्धार गरी सम्पूर्ण खर्च बेहोरेर अहिले नोबेल अस्पतालमा उपचार गराईरहेका छन् ।

‘बाँच्छु भन्ने आशा थिएन । यत्तिकै कुहिएर मर्छु भनेर हरेस खाईसकेको थिए ।’ पीडा सुनाउँदै राईले भने ‘नसोचेको साथ मिल्यो । सुनिल सरबाट । अब बाँच्ने आशा जागेको छ ।’ चन्द्रबहादुरको जस्तै दर्दनाक अवस्थामा तड्पिरहेका सुन्दरहरैचाका प्रकाश पौडेलको पीडा पनि कम छैन ।

थोत्रे काटुन र पानीको वोतल भेला गरेर बिक्रि गरी जिविका चलाउँदै आएका पौडेलको अनुहारसहित हात, खुट्टामा घाउ निस्किएर बढ्दै गई किरा नै परे । उपचार गर्न र पीडा सहन दुबै नसक्दा बिस खाएर मर्ने योजना बनाईसकेका पौडेललाई डा.सुनिल शर्माले साथ दिएपछि अहिले उनमा नयाँ उमंग पलाएको छ ।

चन्द्रबहादुर र प्रकाश मात्र हैन उनीहरु जस्ता दर्जनौ विपन्न र बेसहारा बिरामीलाई डा.शर्माले खोजी–खोजी निःशुल्क उपचार गर्दै आएका छन् । आपतमा परेका बिरामीको खोजिका लागि दैनिक रुपमा मोरङका गाउँ–गाउँ पुग्दै आएका डा.शर्माले दर्जनौ बिरामीलाई सम्पूर्ण खर्च बेहोरेर निःशुल्क उपचार गरिसकेका छन् ।

विज्ञापन बक्स