मृत्युदण्ड पाएका नेपालीलार्इ पाकिस्तानी परिवारबाट माफी

0SHARES

१३ बैशाख २०७५ नेपाल टाईम्स

विराटनगर ः पाकिस्तानी नागरिकको हत्या गरेको अभियोगमा साउदी अरबमा मृत्युदण्डको सजाय पाएका धनुषाका उमेश यादवलाई पीडित परिवारले बुधबार माफी दिएका छन् । हत्या गरेको अभियोगमा  मृत्युदण्डकाे फैसला सुनार्इएका यादव जुवेल जेलमा बसिरहेका छन् ।

पाकिस्तानको फैसलवादस्थित पीडित परिवारको घरमा पीडित पक्ष र पीडक पक्षबीच सौहर्दापूर्ण छलफल भएपछि पीडित पक्ष उमेश यादवलाई माफी दिन तयार भएको हो। पीडित पक्षलाई पीडक पक्षले ब्लडमनि दिन तयार भएका  छन् तर,ब्लडमनिबापतको रकम भने खुलाइएको छैन।
६ वर्षअघि  स्थानीय अदालतले उनलाई मृत्युदण्ड दिने फैसला गरेको थियो। ११ वर्षअघि यादवलाई पाकिस्तानी नागरिक मोहम्मद लकी वासिफको हत्या गरेको आरोप लागेकाे थियाे ।
आफूहरुलाई ठूलो पीडा भए पनि माफी दिएको मोहम्मदका दाजु सफिकले  बताए। उनले भने ‘हामीलाई ठूलो पीडा छ। हामीसँग राम्रो भएन। फेरि पनि अल्लाहलाई साक्षी राखी माफी दियौं,’
दुई परिवारबीच मेलमिलापको लागि भूमिका खेलेका पाकिस्तानी वकिल मुहम्मद नुक्वासले पीडित पक्षले माफी दिएर पाकिस्तानीहरु ठूलो दिल भएको नागरिक भएको प्रमाणित गरेको बताए। ‘हामी पाकिस्तानी निकै ठूलो दिल भएको मानिस हौं। यसलाई पीडित पक्षले पुष्टि गरेको छ,’ उनले भने।
उमेशलाई क्षमा दिने बारे सहमती गर्न फैसलवाद पुगेका सरोज रायले आफ्नो मिसन पूरा भएको भन्दै खुसी ब्यक्त गरे। ‘अन्तत : हामी उमेशलाई मृत्युदण्डबाट बचाउन सफल भयौं। पीडित परिवारले ब्लडमनि स्वीकार गरेका छन्। त्यसबारे पछि बताउनेछौं,’ उनले भने, ‘यहाँसम्म आउन साथ दिने सबै साथीभाइप्रति आभरी ब्यक्त गर्दछु।’
पीडित परिवार र पीडक परिवारलार्इ  भेटाउनका पाकिस्तानी नागरिक जनाव जैइब कलमटयी र फरान अदिललगायतले सहयोग गरेका थिए । जनकपुस्थित युवा संघका मोहम्मद रियाज साफीले समन्वय गरेका थिए ।

विज्ञापन बक्स