मोरङका सहकारी संघ/संस्था संघीय, प्रदेश र स्थानीय सरकारलाई हस्तान्तरण गर्ने तयारी सुरु

0SHARES

२२ फाल्गुन २०७४ नेपाल टाईम्स

विराटनगर, फागुन २२
सहकारी डिभिजन कार्यालय मोरङले जिल्लास्थित १ हजार ९८ सहकारी संघ/संस्था संघीय, प्रदेश र स्थानीय सरकारलाई हस्तान्तरण गर्ने तयारी सुरु गरेको छ ।

सहकारी डिभिजन कार्यालय मोरङले संविधानको अनुसूची ५, ६, ७, ८ र ९ अनुसार सहकारी संघ र स्ांस्था हस्तान्तरणको तयारी सुरु गरेको हो । जिल्लामा ८ वटा सहकारी संघ र १ हजार ९० सहकारी संस्था रहेका छन् ।

जिल्लास्थित सहकारीमध्ये अनुसूची ५ अनुसार दुई वटा प्रदेश वा त्यसभन्दा बढीमा कार्यक्षेत्र रहेको सहकारीलाई संघीय सरकारलाई हस्तान्तरण गरिने छ ।
अनुसूची ७ अनुसार संघीय र प्रदेश सरकारको साझा अधिकार क्षेत्रभित्र रहने गरि ५ सय र अनुसूची ८ अनुसार स्थानीय तहलाई ६ सय सहकारी हस्तान्तरण गर्ने तयारी भइरहेको कार्यालयले जनाएको छ ।

सबै संघ र सहकारीको अनलाइन तथ्यांक तयार गरिसकेकोले अब चाँडै एक कार्यक्रमको आयोजना गरी हस्तान्तरण गर्ने तयारी भइरहेको कार्यालय प्रमुख रामप्रसाद चापागाईंले बताए ।

जिल्लामा १ लाख ७९ हजार १ सय ६२ महिला र १ लाख ३६ हजार २ सय ३३ पुरुष गरी कूल ३ लाख १५ हजार ५ सय ४५ जना सेयर सदस्य रहेका छन् ।

मोरङमा रहेको १ हजार ९८ सहकारी संघ, संस्थामा गत आर्थिक बर्षमा कूल २६ अर्ब ४१ करोड ५६ लाख ४० हजार ६३ रुपैयाँको कारोबार भएको कार्यालयले जनाएको छ ।

विज्ञापन बक्स