मोरङको कटहरीमा सिटीबाट लडेर चालकको मृत्यू

0SHARES

९ मंसिर २०७७ नेपाल टाईम्स

९ मंसिर, विराटनगर ।
मोरङमा सडक दुर्घटनामा परी दुई जनाको मृत्यू भएको छ। विराटनगर १३ कोशी प्रोजेक्टमा मोटरसाईकलको ठक्करबाट साईकलयात्रीको मृत्यु भएको छ ।

मंगलबार दिउसो पौने ४ बजे को ३९ प ९९९३ नम्बरको मोटरसाईकलले साईकलयात्री बिराटनगर १५ बस्ने ६० बर्र्षीय रतन साहलाई ठक्कर दिँदा उनको मृत्यू भएको जिल्ला प्रहरी कार्यालय मोरङले जनाएको छ । ठक्कर दिने मोटरसाईकल र बिराटनगर–१५ का चालक देवीप्रसाद अधिकारीलाई नियन्त्रणमा लिएको प्रहरीले जनाएको छ।

यसै गरी मोरङको कहटरी १ स्थित भित्रि सडक खण्डमा सिटी चालकको मृत्यु भएको छ । मंगलबार दिउसो पौने ३ बजे को २ ह ५४९२ नम्बरको सिटी चालक विराटनगर २ का ३५ बर्षीय सुनिल मण्डलको मृत्यु भएको जिल्ला प्रहरी कार्यालय मोरङले जनाएको छ । उनको सिटीबाट आफैँ लडेर मृत्यु भएको स्थानीयले बताएका छन् ।

सिटि सफारी लिएर कटहरी गाँउपालिका १ हुँदै उत्तरतर्फ जान लागेका मण्डल स्थानीय चौधरी चौकमा सिटि सफारीबाट ढलेका थिए । सिटी सफारीबाट ढलेका मण्डलको सोही ठाउँमा मृत्यू भएको कटहरी–१ का वडाध्यक्ष कपुरलाल माझीले जानकारी दिए । मृतक मण्डल केही समयअघि नै बैदेशिक रोजगारबाट फर्किएयता सिटीसफारी कुदाउँदै आएका थिए ।

विज्ञापन बक्स