मोरङमा ७ बजेसम्म बजार खुल्ने गरी निषेधाज्ञा

0SHARES

२२ भाद्र २०७७ नेपाल टाईम्स

२२ भदौ, विराटनगर ।
कोरोना संक्रमण नियन्त्रणका लागि मोरङमा भदौ २८ गतेसम्म निषेधाज्ञा थप भएको छ । सार्वजनिक सवारी साधन सञ्चालन गर्न नपाउने गरि भदौ २८ गतेसम्म निषेधाज्ञा जारी गरिएको जिल्ला प्रशासन कार्यालय मोरङले जनाएको छ ।

कोरोना महामारी अझै नियन्त्रणमा नआएको तथा लकडाउन/निषेधाज्ञाले सर्वसाधारणको जीवनयापनमा कठिनाई भएकोले जीवनयापन सहज बनाउने गरी निषेधाज्ञा जारी गरेको प्रमुख जिल्ला अधिकारी कोषहरि निरौलाले जानकारी दिए । यसअघि भदौ ५ गतेबाट जारी निषेधाज्ञा ३ पटक थपहुँदै सोमबार राती सम्मकालागि जारी गरिएको थियो ।

 

निषेधाज्ञा अबधिमा सार्वजनिक यातायात, होटल, शैलुन, गुद्री, हाटबजार र सभा समारोहबाहेक सबै खुल्ला हुनेछ । यसअघि दैनिक ४ बजेसम्म खुल्ला गरिएको बजार अब ७ बजेसम्म खोल्न दिईने जिल्ला प्रशासन कार्यालयले जनाएको छ ।

राति ९ बजेदेखि विहान ५ बजेसम्म हिँडडुलमा प्रतिबन्ध लगाईएको छ । होटल र रेष्टुरेन्टहरु पनि ग्राहक नराखी टेक अवे वा होम डेलिभरी गर्नेगरी सञ्चालन गर्न पाउने भएका छन । सिटी रिक्सा जोर विजोर नम्बरका आधारमा सञ्चालन गर्न दिने तर यात्रु २ जनामात्र चढ्ने पाउने छन् । उद्योगहरुले स्वास्थ्य सुरक्षा मापदण्ड पालना गरेर सञ्चालनगर्न पाउने निर्णय गरिएको छ ।

विज्ञापन बक्स