मोरङ कारागार मानव अधिकार आयोगको अनुगमन

0SHARES

१४ फाल्गुन २०७४ नेपाल टाईम्स

विराटनगर, फागुन १४
मोरङ कारागारका कैदीबन्दीहरुले समयमै उपचार नपाएको गुनासो गरेपछि मानव अधिकार आयोगले कारागारको अनुगमन तथा निरीक्षण गरेका छन् राष्ट्रिय मानवअधिकार आयोग क्षेत्रीय कार्यालय विराटनगरका अधिकृत सन्ध्या पुडासैनी र चिरञ्जीवि कोइरालासहितको टोलीले कैदीबन्दीको अवस्था बुभ्mन अनुगमन तथा निरीक्षण गरेको हो ।

महिलातर्फ भन्दा पुरुषतर्फ अलिक बढी विरामी भएका कैदीबन्दी देखिएको आयोगका प्रतिनिधिले जनाएका छन् । कैदीबन्दीहरुको अवस्थाबारे आफूहरुले आयोगमा जानकारी गराउने अधिकृत पुडासैनीले जानकारी दिनुभयो । विभिन्न सजाँय पाएर मोरङ कारागारमा बन्दी जीवन बिताइरहेका कैदीबन्दीले विरामी हुँदा समयमै उपचार नपाएको गुनासो गरेका छन् ।

कारागार प्रशासनले समयमै उपचार गराउन चिठी बनाइदिए पनि सुरक्षामा खटिएको नेपाल प्रहरीले हस्पिटल समयमै उपचारमा नलगेको देखिएको छ । आफुहरुले उपचारका लागि पत्र पठाएको भएपनि समयमा उनिहरुलाइ अस्प्ताल नलैजादा समस्या देखिएको र अहिले समाधान भइसकेको जेलर प्रेसप्रसाद सापकोटाले बताए ।

कैदिबन्दीहरुमा सबैभन्दा बढी खुट्टा लक हुने, घुँडा नचल्ने, छाला र स्वाशप्रश्वासको समस्या बढी देखिएको छ । मोरङ कारागारमा ६ सय ८५ जना पुरुष कैदीबन्दी तथा ६६ जना महिला र ६ जना आश्रित बालक रहेका छन् ।

त्यस्तै उपचारको क्रमममा एकजना कैदीको मृत्यु भएको छ । मोरङ कारागारमा कैदी जीवन बिताएका सोलुखुम्बुको गोली –४ का २२ वर्षिय अनिल नेपालीको कोशी अञ्चल अस्पतालमा उपचारको क्रममा शनिबार मृत्यु भएको हो । अवैध लागूऔषध मुद्दामा पूर्वपक्षको लागि मोरङ कारागारमा फागुन ३ गते आएको जेलर सापकोटाले जानकारी दिए ।

विज्ञापन बक्स