यसरी स्वागत गरिदैछ विश्व विजेताको

0SHARES

१ श्रावण २०७५ नेपाल टाईम्स

एजेन्सी,साउन १
विश्वकप फुटबल विजेता फ्रान्सेली टोलीलाई देशकै सर्वोच्च पदक लिजन दी अनरबाट सम्मानित गरिने भएको छ । फ्रान्सेली राष्ट्रपतिको कार्यालयबाट फुटबल टोलीलाई देशकै सर्वोच्च पदकबाट सम्मानित गरिने जानकारी दिइएको हो ।

आइतबार राति मस्कोमा भएको फाइनलमा क्रोएसियलाई ४–२ ले हराउँदै फ्रान्सले २० वर्षपछि विश्वकपको उपाधि उचालेको हो । विश्वकप ट्रफीसहित घर फर्किएको फ्रान्सेली फुटबल टोलीलाई पेरिस विमानस्थलमा भव्य स्वागत गरिएको छ ।

खेलाडी तथा प्रशिक्षकलाई राजधानी पेरिसमा परेडसहित सम्मान गरिने भएको छ । फुटबल प्रशंसकले आइतबार रातभर जितको खुशीयाली मनाएका थिए । केही ठाउँमा हिंसात्मक घटना भएपछि प्रहरीले अश्रुग्यास प्रहार गरेको थियो ।

केही ठाउँमा छिटफुट घटना भएपनि पूरै देशले विजयोत्सव मनाइरहेको छ । पेरिसको एउटा ट्रान्सपोर्ट कम्पनीले देशले विश्वकप जितेको उपलक्ष्यमा केही स्टेसन खेलाडीहरुको नाममा परिवर्तन गर्ने जनाएको छ ।

विज्ञापन बक्स