एसईई परीक्षा नलिने सरकारको निर्णय

0SHARES

२९ जेष्ठ २०७७ नेपाल टाईम्स

२९ जेठ, काठमाडौँ ।
यस वर्षको माध्यमिक शिक्षा परीक्षा (एसईई) नहुने भएको छ । बुधबार बसेको मन्त्रिपरिषद् बैठकले एसईई नगर्ने निर्णय गरेको हो ।

बैठकले आन्तरिक मूल्याङ्कनबाटै विद्यार्थीलाई प्रमाणपत्र दिने निर्णय गरिएको शिक्षामन्त्री गिरिराजमणि पोखरेलले जानकारी दिए । त्यसका लागि राष्ट्रिय परीक्षा बोर्डले मापदण्ड बनाउनेछ ।

शिक्षा मन्त्रालयले आन्तरिक मूल्याङ्कनलाई नै मान्यता दिने प्रस्ताव मन्त्रिपरिषदमा लगेको थियो । कोरोना भाइरसको संक्रमण बढ्दै गएको र विद्यालयहरुमा क्वारेन्टाइन बनाइएकोले परीक्षा गर्ने वातावरण नहुँदा आन्तरिक मूल्याङकनलाई वैधता दिने निर्णय भएको मन्त्री पोखरेलले बताए । बोर्डले कार्यविधि बनाएर प्रमाणित गर्ने समेत उनले जानकारी दिए ।

कक्षा ११ र १२ को परीक्षाको विषयमा भने कुनै निर्णय नभएको मन्त्री पोखरेले जानकारी दिए । कक्षा १२ को परीक्षा भने उपयुक्त समयमा सञ्चालन गरिने उनले बताए ।

चैत ६ गतेदेखि सञ्चालन गर्न समय तालिका बनाइएको एसईई चैत ५ गते स्थगित गरिएको थियो । ४ लाख ८२ हजार विद्यार्थी एसईई परीक्षाको तयारीमा थिए ।

विज्ञापन बक्स