युट्युब र गुगलका सेवाहरुमा विश्वभर नै समस्या

0SHARES

२९ मंसिर २०७७ नेपाल टाईम्स

एजेन्सी । गुगलका सेवाहरु युट्युब, जी–मेल, ड्राइभ, ह्याङआउटलगायत अहिले विश्वभरि नै प्राविधिक कारणले ‘डाउन’ हुँदा चल्न सकेका छैनन् । ‘डाउन डिटेक्टर’ का अनुसार गुगलको सफ्टवेयरमै समस्या आएको छ । युट्युबले आफ्नो आधिकारिक ट्वीटर अकाउन्टमार्फत समस्या समाधानका लागि प्रयास भइरहेको जनाएको छ । काममा बाधा पुगेको भन्दै सामाजिक सञ्जालमा विश्वभरकै मानिसहरुले गुनासो पोखिरहेका छन् ।

युट्युब नचलेकाे भन्दै सूचना दिनेमध्ये ५४ प्रतिशतले वेबसाइटकाे प्रयाेग गर्न नसकेकाे, ४२ प्रतिशतले भिडियाे देख्न नसकेकाे र तीन प्रतिशतले लग इनमा समस्या देखिएकाे बताएका छन् । त्यस्तै जीमेलमा समस्या देखिएकाे भन्दै सूचना दिनेमध्ये ७५ प्रतिशतले लग इन गर्न नसकेकाे, १५ प्रतिशतले बेवसाइटसम्म पुग्न नसकेकाे र आठ प्रतिशतले सन्देश प्राप्त नभएकाे गुनासाे गरेका छन् ।

विज्ञापन बक्स