रत्ना होटलको विद्युत काट्न श्रम कार्यालयको पत्र

0SHARES

१२ चैत्र २०७५ नेपाल टाईम्स

विराटनगर, चैत १२
श्रम कार्यालयले विराटनगर वसपार्कस्थित रत्ना होटलको विद्युत लाइन काट्न नेपाल विद्युत प्राधिकरणलाई पत्र लेखेको छ । श्रमिकलाई तलब नदिएको मुद्दामा सर्वोच्च अदालतको फैसला कार्यान्वयन नभएपछि श्रम कार्यालय विराटनगरले विद्युत लाईन काट्न पत्र लेखेको हो ।

श्रम कार्यालय प्रमुख प्रेम सञ्जेलले रत्ना होटलको विद्युत लाइन काट्न नेपाल विद्युत प्राधिकरणको क्षेत्रिय कार्यालय विराटनगरलाई सोमबार पत्र लेखेका हुन् ।

श्रम ऐन कार्यान्वयन नगर्ने उद्योग/प्रतिष्ठानको बैंक खाता रोक्का गर्ने, विद्युत लाईन काट्न सक्ने अधिकार श्रम ऐनले श्रम कार्यालयलाई दिएको छ ।सोही ऐनको आधारमा श्रम कार्यालयले रत्ना होटलको विद्युत लाईन काट्न दोस्रो पटक प्राधिकरणलाई पत्र काटेको हो । कार्यालयले यसअघि सो होटलको बैंक खाता रोक्का गरेको थियो ।,यो समाचार आजको उद्घोष दैनिकमा छापिएको छ ।

विज्ञापन बक्स