राजधानीबारे विराटनगरबासी भन्छन् : विकल्प खोजे संघर्ष

0SHARES

१५ आश्विन २०७५ नेपाल टाईम्स

विराटनगर : प्रदेश सरकारले स्थायी राजधानी र नामाङ्कनको तयारी सुरु गर्दैगर्दा राजधानी सार्ने हल्लाले विराटनगर तातेको छ ।मुख्यमन्त्री शेरधन राईनै घुमाउरो पारामा विराटनगरबाट राजधानी सार्ने योजनामा लागेको भन्दै विराटनगरको नागरिक समाजले खबरदारी थालेको छ ।

प्रदेश सरकारले जनताको सहजताको लागि एकैठाउँ राखिनुपर्ने संरचना विकेन्द्रिकरण गरी राजधानी कार्यालयहरु जिल्ला जिल्लामा बाँड्ने तयारी थालेको छनक पाएपछि नागरिक समाजको अगुवाईमा नगरबासीले आन्दोलन गर्ने चेतावनी दिएका छन् ।

आइतबार विराटनगरमा भेला भएका विभिन्न पेशा ब्यबसायमा संलग्न अगुवाहरुले प्रदेश सरकारको तयारीविरुद्ध सडक संघर्ष गर्ने चेतावनी दिए ।

उद्योग संगठन मोरङ र मोरङ ब्यापार संघको अगुवाईमा भएको भेलामा सहभागी सबैजसोले विराटनगरबाट राजधानी सार्न खोजिए कडा आन्दोलनमा उत्रिने चेतावनी दिएका छन् ।

राजधानीका विषयमा उद्योग संगठन मोरङ, मोरङ ब्यापार संघले आइतबार साँझ साँसद र विभिन्न राजनीतिक दलका नेताहरुसँग पनि छलफल गरेका छन् । यो समाचार आजको उद्घोष दैनिकमा छापिएको छ ।

विज्ञापन बक्स