राजधानी माग गर्दै मोरङ मुस्लिम समाजद्धारा २४ घण्टे रिले अनसन सुरु

0SHARES

१८ पुष २०७४ नेपाल टाईम्स

किशोर विश्वकर्मा
विराटनगर, पुस १८
विराटनगरलाई १ नं. प्रदेशको राजधानी बनाउन माग गर्दै मोरङ मुस्लिम समाजले आज २४ घन्टे रिले अनसन सुरु गरेको छ । विराटनगरको व्यस्त बजार स्थित बि प्लटमा समाजले रिले अनसन सुरु गरेको हो ।

मोरङ मुस्लिम समाजले समाजले विराटनगर राजनितिक, सामाजिक, ऐतिहासिक तथा आर्थिक रुपले अब्बल भएकाले राजधानी बन्ने पहिलो हक विराटनगर भएकाले तत्काल राजधानी तोकिनुपर्ने बताउदै दवाव सृजनाका लागि रिले अनसन सुरु गरेको हो ।

मोरङ मुस्लिम समाजका प्रवक्ता वसिम आलमले विराटनगरलाई प्रदेशको राजधानी बनाउन दवाव सृजना गर्ने उदेश्यले चरणवद्ध आन्दोलनका कार्यक्रमहरु समेत घोषणा गरिएको बताए ।

उनले अनुसार आफ्ना माग वेवास्ता गरिए आगामि पस २१ ग्ते विशाल जुलुस प्रदर्शन गर्ने र अन्य दवाव मुलक आन्दोलनका थप कार्यक्रमहरु तय गरिने बताए । यस अघि हिजो मोरङ मुस्लिम समाजले विराटनगरलाई १ नं. प्रदेशको राजधानी बनाइनुपर्ने माग गर्दै मोरङका प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाएको थियो ।

विज्ञापन बक्स