राष्ट्रपतिविरुद्ध महाभियोग लगाउन वाईसीएलको आग्रह

636SHARES

७ जेष्ठ, काठमाडौँ । नेकपा माओवादी केन्द्रको युवा संगठन योङ कम्युनिस्ट लिग (वाईसीएल) ले राष्ट्रपतिविरुद्ध महाभियोग लगाउन आग्रह गरेको छ ।

राष्ट्रपति विद्यादेवी भण्डारी स्वेच्छाचारी भएको भन्दै वाईसीएलले लोकतन्त्र र संविधानका पक्षधर शक्तिले उनलाई महाभियोग लगाएर संविधानको रक्षा गर्न र यथाशीघ्र नयाँ सरकारको बाटोमा अग्रसर हुन आग्रह गरेको छ ।

प्रधानमन्त्री केपी शर्मा ओलीले विश्वासको मत नलिई वा पदबाट राजीनामा नदिई सरकार गठनको सिफारिस गर्नु र राष्ट्रपति भण्डारीले सरकार गठनका लागि २१ घण्टाको मात्र समय दिनु लोकतन्त्र र संविधानको हत्या गर्ने मनसाय देखिने वाईसीएलले बताएको छ ।

अध्यक्ष रामप्रसाद सापकोटा र महासचिव सुवोधराज शेर्पालीले जारी गरेको विज्ञप्तिमा भनिएको छ, ‘निर्वाचनका माध्यमबाट स्थापित सार्वभौम संसद (प्रतिनिधि सभा) को हत्या गर्ने गलत मनसायका साथ आएको यस्तो निर्णयले देशलाई द्वन्द्वकोे अध्यारो सुरुङतर्फ धकेल्नेछ, जनताले महान् जनयुद्ध र ऐतिहासिक जनआन्दोलनका बलमा प्राप्त गरेका सार्वभौम अधिकारहरू कुण्ठित गर्नेछ ।’

छुटाउनुभयो कि?

सम्पूर्ण