राहत वितरणका लागि सहजीकरण समिति गठन

0SHARES

२१ श्रावण २०७५ नेपाल टाईम्स

विराटनगर,साउन २१
समयमा वितरण नगरिएका कारण फिर्ता गएको बाढी पीडितको राहत रकम फेरिपनि निकासा गराउन पहलगर्ने उद्धेश्यले कटहरी गांउपालिकाले बाढीपीडित राहत वितरण सहजीकरण समिति गठन गरेको छ ।

गांउपालिकाले आज पत्रकार सम्मेलनको आयोजनागर्दै सो बिषयमा जानकारी दिएको हो । समितिमा गांउपालिकाका प्रमुख रामकुमार कामतसहित बाढीपीडित संघर्ष समितिका संयोजक मृत्यूञ्जय झा रहेका छन् ।

७ सदस्यीय समितिमा गांउपालिकाको तर्फबाट तीन जना र संघर्ष समितिको तर्फबाट ४ जना रहेका छन । सो बिषयमा जानकारी दिदै गांउपालिकका प्रमुख प्रशासकीय अधिकृत काजीमान राईले गांउपालिका प्रमुख कामतको संयोजकत्वमा रहेको सो समितिले फिर्ता गएको बाढीपीडितको राहत रकम फिर्ताल्याउन स्थानीय र केन्द्र सरकारमा पहल गर्ने बताए ।

कटहरी गांउपालिकाका प्रमुख कामतले बाढी पीडितकालागि आएको रकम कुनै दुरासयले नभई समन्वयको कारणले समयमा वितरण गर्न नसकिएको दाबी गरे । उनले राहत रकम फेरिपनि निकासा गराउन आफुहरु लागिपरेको बताए ।

सो गांउपालिकाका १५ सय १७ बाढी पीडित परिवारकालागि आएको ३ करोड ७९ लाख २५ हजार रकम फिर्ता गएपछि गांउपालिकामा तनाव भएको हो । गांउपालिकाले बाढी पीडितकालागि आन्तरिक कोषबाट ६३ लाख बढीको राहत वितरण गरेको जनाएको छ ।

विज्ञापन बक्स