राहत शिक्षकहरुको हड्तालका कारण पठनपाठन प्रभावित

0SHARES

२७ भाद्र २०७५ नेपाल टाईम्स

विराटनगर : राहत शिक्षकहरुको आन्दोलनका कारण मोरङका सामुदायिक विद्यालयको पठनपाठन प्रभावित भएको छ । नेपाल राहत शिक्षक केन्द्रीय समितिको निणर्य बमोजिम मोरङ जिल्ला कार्यसमितिले सामुदायिक विद्यालय बन्द गराएको हो । यो समाचार आजको उद्घोष दैनिकमा छापिएको छ ।

राहत कोटामा कार्यरत शिक्षकहरुलाई स्थायी गर्नुपर्ने,राहत शिक्षक सम्बन्धी हालको शिक्षा ऐन र नियमावलीहरुमा भएका ब्यबस्थालाई निर्माणाधिन ऐनले स्वामित्व लिनुपर्ने, राहत शिक्षकहरुलाई शिक्षक सेवा आयोगले लिने परीक्षामा उमेरको हदबन्दी हटाईनुपर्ने, शिक्षक शिक्षकहरुबीच बिभेदपुर्ण ब्यबहारको अन्त्य हुनुपर्ने माग राखेका छन् ।

सरकारसँग बार्ता असफल भएपछि मंगलबार देखि बिहीबार सम्म शैक्षिक संस्था हड्तालको आव्हान गरिएको नेपाल राहत शिक्षक १ नम्बर प्रदेश समितिका प्रवत्ता डिपी ढुङ्गेलले जानकारी दिए । मोरङमा ५६१ सामुदायीक विद्यालयमा जम्मा ९२९ राहत शिक्षक कार्यरत रहेको जनाईएको छ ।

विज्ञापन बक्स