रुसमा कोरोना भाइरस संक्रमणबाट करिव ५ सय चिकित्सकको मृत्यु

0SHARES

५ असार २०७७ नेपाल टाईम्स

५ असार, एजेन्सी । रुसमा कोरोना भाइरस संक्रमणबाट ४ सय ८९ जना चिकित्सकको मृत्यु भएको खबर आएको छ ।

रुसी सरकारी संस्था रोजद्रावनादजोरका अनुसार कोरोना संक्रमणका कारण अहिलेसम्म यति ठूलो संख्यामा चिकित्सकको मृत्यु भएको हो ।

एक महिना अगाडिसम्म मात्र १ सय १ जना चिकित्सकको मृत्यु भएको जनाइएकोमा थप एक महिनापछि चिकित्सक मृत्युको संख्या ह्वात्तै बढेको हो ।

रोजद्रावनादजोरले रुसमा स्वास्थ्य क्षेत्रलाई निगरानी गर्दछ । रोजद्रावनादजोरका प्रमुख अला सामोइलोवाले सुरक्षा सामग्रीको वितरणमा समस्या हुनु नै यसको मुख्य कारण भएको बताएका छन् ।

विश्वमा कोरोना संक्रमणका दृष्टिले तेस्रो धेरै संख्या रहेको रुसमा ५ लाख ६१ हजार बढी संक्रमित छन् । त्यहाँ हालसम्म ७ हजार ६ सय ६० जनाको मृत्यु भएको छ ।

विज्ञापन बक्स