रोकिएका खेलहरु सुचारु गर्नेबारे सञ्चालकबीच तीव्र परामर्श हुँदै, प्रिमियर लिगमा खेलको अवधि घट्न सक्ने

0SHARES

नेपाल टाईम्स

२४ बैशाख, एजेन्सी । विश्वव्यापी महामारी कोरोना भाइरसका कारण रोकिएका खेलहरु सुचारु गर्नेबारे सरोकारवालाहरुले तीव्र परामर्श गरिरहेका छन् ।

इंग्ल्याण्डको व्यावसायीक फुटबल संघ (पिएफए)ले कोरोनापछि सुचारु हुने प्रिमियर लिगका खेलहरुमा समय घटाउन सकिने बताएको छ ।पिएफएका अध्यक्ष गोर्डन टेलरले प्रिमियर लिग सुचारु भएपछि ९० मिनेटको समय कम गर्न सकिने प्रस्ताव गरेका हुन् ।

फुटबल संघले कोरोना भाइरसबाट खेलाडीलाई बचाउन विभिन्न योजनाहरु बनाइरहेको छ । जसमा तथष्ट मैदानमा दर्शकबिना खेलाउने, सब्सिच्युट खेलाडीको संख्या बढाउने लगायतका छन् ।

बाँकी सिजनका खेलहरु नै रद्द हुने संभावनामा भने ‘पर्ख र हेर’ को अवस्था रहेको उनले बताए ।  बेलायत सरकारले स्वीकृति नदिदाँसम्म प्रिमियर लिगका बाँकी खेलहरु सुचारु हुने सम्भावना निकै कम रहेको छ । प्रिमियर लिग र सरकारका प्रतिनिधिबीच चाँडै छलफल हुने बताइएको छ ।

Facebook Comments

विज्ञापन बक्स