लकडाउनका कारण जनतामा पर्न गएको असुविधाप्रति प्रधानमन्त्री मोदीले मागे माफी

0SHARES

नेपाल टाईम्स

१६ चैत, एजेन्सी । कोरोना भाइरस रोकथामका लागि भारत सरकारले गरेको लकडाउन घोषणाका कारण आमजनतामा पर्न गएको असुविधाप्रति प्रधानमन्त्री नरेन्द्र मोदीले ‘कडा निर्णय’ गर्नु परेको भन्दै जनतासँग माफी मागेका छन् ।

लकडाउन गरिएसँगै भारतका विभिन्न ठाउँमा हजारौं आप्रवासी कामदार तथा मजदुरहरु अलपत्र परेका छन् । सयौँ किलोमिटरसम्म भोकभोकै पैदल यात्रा गर्नु परेको छ ।

‘मैले लिनु परेको केही कठिन निर्णयले गर्दा आम जनतामा पर्न गएको असुविधाका लागि म राष्ट्रसँग माफी माग्दछु । तर तपाईँहरुको रक्षाको लागि मैले यस्तो निर्णय लिनुपर्ने थियो,’ प्रधानमन्त्री मोदीले भनेका छन् ।

मोदीले आफ्नो मासिक रेडियो सम्बोधन ‘मन की बात’ मा यस्तो बताएका हुन् । दुई सातादेखि भारतमा लकडाउन छ । दोस्रो पटक सरकारले २१ दिनको लागि लकडाउन घोषणा गरेको हो ।

सरकारी घोषणासँगै हजारौँ कामदार तथा कामका लागि सहरमा बस्दैआएका गाउँका मजदुरहर हतारमा घर फर्किन बाध्य भएका हुन् । यातायात बन्द हुँदा उनीहरु अलपत्र परेका हुन् ।

भारतीय सञ्चार माध्यमका अनुसार शनिबार मात्रै ३८ वर्षीय एकजना दिल्लीबाट २ सय किलोमिटरको बाटो मध्यप्रदेशतर्फ पैदल हिँड्दै गर्दा हृदयघातका कारण बाटोमै मृत्यु भएको थियो ।

उनले उत्तर प्रदेश नजिकै आग्रा सहर नजिकै आफ्नो गन्तव्य पुग्न ८० किलोमिटर बाँकी छँदा बाटो बिराएका थिए । प्रधानमन्त्रीले भने लकडाउन उल्लंघन गर्नु भनेको आफ्नै जीवनसँग खेलवाड गर्नु भएको भन्दै आदेश दिएका थिए ।

Facebook Comments

विज्ञापन बक्स