लकडाउन खुकुलो पार्ने योजना पेश गर्न उच्चस्तरीय समितिलाई निर्देशन

0SHARES

२३ जेष्ठ २०७७ नेपाल टाईम्स

२३ जेठ, काठमाडौँ ।
मन्त्रीपरिषद् बैठकले लकडाउनलाई बिस्तारै खुकुलो पार्दै कोरोना भाइरसँग कसरी लड्ने भन्ने योजना ल्याउन कोभिड-१९ संक्रमण रोकथाम तथा नियन्त्रण उच्चस्तरीय समन्वय समितिलाई जिम्मेवारी दिएको छ । बिहीबार बसेको मन्त्रीपरिषद् बैठकले सो निणर्य गरेको हो ।

मन्त्रिपरिषद्को बिहीबार साँझ बसेको बैठकले लकडाउन खुकुलो कसरी पार्ने र विदेशबाट आउन चाहने नेपालीलाई कसरी ल्याउने तथा ल्याएर कहाँ व्यवस्थापन गर्ने भन्नेबारे छलफल गरेको एक मन्त्रीले जानकारी दिए ।

लकडाउनको ७३ दिन भइसक्दा पनि सरकारले जनताको दैनिकी सहज हुने कुनै निणर्य नगरेको भन्दै आलोचना एवं लकडाउनको अवज्ञा गर्ने स्वर बढिरहेका बेला बसेको मन्त्रिपरिषद् बैठकले राहत तथा लकडाउन खुकुलो पार्ने निणर्य गर्ने अपेक्षा गरिएको थियो । तर लकडाउनको अवज्ञा गर्दै बजार खोल्ने व्यवसायीको निणर्य र जनस्तरमा दैनिक गुजारा गर्न असहज भएको भन्ने कुरा व्यापक बन्दै गइरहेको बेला मन्त्रिपरिषद्मा भने यसबारे ठोस निणर्य भएन । अब उच्चस्तरीय समितिको छलफलबाट कार्ययोजना ल्याएपछि निणर्य लिने भन्ने भएको छ ।

मन्त्रिपरिषद् बैठकमा मन्त्रालयहरुका नियमित एजेन्डामा छलफल भएको मन्त्रिपरिषद् स्रोतले बताएको छ । केही विधेयक अगाडि बढाउने, नियमावली पारित गर्नका साथै केही नियुक्तिलाई अन्तिम रूप दिइएको बताइएको छ ।

विज्ञापन बक्स