लागुऔषध र हतियारसहित धरानबाट १ जना पक्राउ

0SHARES

२७ आश्विन २०७६ नेपाल टाईम्स

२७ असोज, धरान ।
सुनसरीको धरान उपमहानगरपालिका–९ आचार्य लाईनबाट ठुलो परिणामको लागुऔषध र हतियार सहित १ जना पक्राउ परेका छन् । बिशेष सूचनाको आधारमा ईलाका प्रहरी कार्यालय इटहरीबाट खटिएको प्रहरी टोलीले कोशी गाउँपालिका–३ घर भई आचार्य लाईन धरानमा डेरा गरी बस्ने २३ बर्षीय निरज कुमार राउतलाई लागुऔषध र हतियार सहित डेराबाट नै पक्राउ गरेको हो ।

राउतको डेराबाट प्रहरीले ठुलो चाईनिज पेस्तोल १ थान, म्यागजिन १ थान र १३ राउण्ड गोली बरामद गरेको छ । यसैगरी DIALEX-DC 100mlको २२५ बोतल, खैरो होरोइन ७ ग्राम,Nitrosun ६४० ट्याब्लेट, स्पास्मोप्रोक्सिवन प्लस १२ हजार ९ सय ४४ क्याप्सुल, नगद रु.११,३३०, तौल गर्ने डिजिटल मेसिन १ थान, मोवाईल १ थान लगायत अन्य कागजात समेत बरामद गरेको छ ।

लागुऔषध र हतियार सहित पक्राउ परेका राउतको सम्बन्धमा थप अनुसन्धान भईरहेको उक्त कार्यालयले जनाएको छ ।

विज्ञापन बक्स