लेबनानमाथि इजरायलको जवाफी आक्रमण

567SHARES

६ जेठ,एजेन्सी । इजरायलले लेबनानमाथि जवाफी आक्रमण गरेको छ ।

यसअघि लेबनानले इजरायलमा चार वटा रकेट आक्रमण गरेको थियो । यसको जवाफमा आफूले पनि आक्रमण गरेको इजरायलले जनाएको छ ।

यसबीचमा अमेरिकी राष्ट्रपति जो बाइडेनले इजरायलका प्रधानमन्त्री बेन्जामिन नेतान्याहुसँग टेलिफोनमा कुराकानी गरेका छन् । गाजा क्षेत्रमा भइरहेको हिंसा पछि यो दुई नेताबीच चौथो पटक टेलिफोनमा कुराकानी भएको हो ।

उनीहरुबीच गाजामा भइरहेको युद्धलाई रोक्ने विषयमा छलफल भएको ह्वाइट हाउसले जनाएको छ ।

बाइडेनले आजै आफूले युद्धविराम वा युद्ध कम भएको घोषणा चाहेको बताएका छन् भने नेतान्याहुले इजरायलले लक्ष्यअनुसार काम गरिरहेको बताएका छन् । गाजामा तत्काललाई युद्धविराम हुने अवस्था भने नदेखिएको बीबीसीले जनाएको छ ।

बाइडेन र नेतान्याहुबीचको सम्बन्धका कारण संयुक्त राष्ट्र सङ्घको सुरक्षा परिषद्मा इजरायलमाथि सङ्घर्षको संयुक्त प्रस्ताव लैजाने प्रस्तावको बाइडेनले विरोध गरेका थिए ।

छुटाउनुभयो कि?

सम्पूर्ण