‘वार’ले पहिलो दिनमै कमायो ५३ करोड ३५ लाख

१६ आश्विन २०७६

१६ असोज, एजेन्सी।
ऋतिक रोशन र टाइगर श्रोफ अभिनित चलचित्र‘वार’ले पहिलो दिन घरेलु बक्सअफिसमा बम्पर ओपनिङ गरेको छ । बुधबार भारतमा परेको गान्धी जयन्तीको अवसरमा रिलिज भएको चलचित्र ‘वार’पहिलो दिन कुनै पनि हिन्दी चलचित्रले गरेको यो सबैभन्दा ठूलो ओपनिङ हो ।

चलचित्रले पहिलो दिन भारतमा ५३ करोड ३५ लाख कमाई गरेको छ ।चलचित्रले हिन्दी भाषामा ५१ करोड ६० लाखको कमाई गरेको छ । यस्तै, तामिल र तेलुगु भाषामा चलचित्रले १ करोड ७५ लाखको कमाई गरेको छ ।

रेकर्ड तोड्ने क्रममा ‘वार’ले आमिर खानको ‘ठग्स अफ हिन्दोस्तान’को कलेक्सनलाई उछिनेको छ । ‘ठग्स अफ हिन्दोस्तान’ले पहिलो दिन हिन्दी भर्सनमा मात्रै ५०करोड ७५ लाख कमाएको थियो ।

सिद्दार्थ आनन्द निर्देशित ‘वार’लाई दर्शक तथा समिक्षकले राम्रो भनेका छन् । एक्सन हिरोमा स्थापित ऋतिक र टाइगरको जोडीलाई दर्शकले रुचाएका छन् । त्यसैले चलचित्रले विकेन्डमा पनि ठुलो रेकर्डहरु भत्काउने अनुमान गरिएको छ । भारतमा मात्रै ४ हजार हलमा रिलिज भएको थियो ।

यशराज ब्यानरले यो चलचित्रको निर्माण गरेको हो । चलचित्रमा नायिका बाणी कपुरको पनि मुख्य भूमिका छ ।

Facebook Comments

विज्ञापन बक्स