विदेशी बुहारीलाई ७ वर्षपछि मात्रै अंगीकृत नागरिकता दिने नेकपाको निष्कर्ष

0SHARES

६ असार २०७७ नेपाल टाईम्स

६ असार, काठमाडौं ।
सत्तारुढ नेपाल कम्युनिष्ट पार्टी नेकपाको सचिवालय बैठकले वैवाहिक अंगीकृत नागरिकता प्राप्त गर्न सात वर्ष पूरा भएको हुनुपर्ने निष्कर्ष निकालेको छ ।

बिहान बसेको सचिवालय बैठकले विदेशी बुहारीलाई ७ वर्षपछि मात्रै अंगीकृत नागरिकता दिनुपर्ने निर्णय गरेको हो । यसको लागि सम्बन्धित देशको नागरिकता परित्यागको प्रक्रिया सुरु गरेको प्रमाण प्रस्तुत गर्नुपर्ने व्यवस्था हुनुपर्ने पनि बैठकको ठहर छ ।

बैठकले विदेशी ज्वाइँलाई पनि अंगीकृत नागरिकता दिन नसकिने निष्कर्ष निकालेको छ । नेपाली महिलासँग विवाह गर्ने विदेशी पुरुषलाई पनि प्रक्रिया र समय थपेर नागरिकता दिनुपर्ने माग उठिरहे पनि नेकपाले यसलाई अस्वीकार गरेको हो ।

अंगीकृत नागरिकताको विषयमा दलहरुबीच कुरा नमिल्दा नागरिकता विधेयक टुंगो लाग्न सकेको छैन । राज्य व्यवस्था समितिमा छलफल भैरहे पनि दलहरुबीच फरक फरक मतका कारण सहमति जुट्न नसकेको हो ।

विज्ञापन बक्स